par Optmiste.info | Août 11, 2025 | Sécurité
Pòtoprens, 11 out 2025. Kèk jou sèlman apre li fin pran tèt Polis Nasyonal d Ayiti (PNH), nouvo Direktè Jeneral la, Jonas Vladimir Paraison, te rankontre, jodi lendi 11 out lan ak plizyè wo kad Misyon Miltinasyonal Sipò Sekirite a (MMSS). Reyinyon travay sa a te fèt an prezans manm wo kòmandman PNH la, nan yon moman kote sitiyasyon sekirite a toujou grav anpil.
N ap raple, Paraison te nonmen epi enstale ofisyèlman nan tèt enstitisyon an depi 8 out. Li antre nan fonksyon li pandan peyi a ap travèse youn nan pi gwo kriz sekirite li janm konnen, avèk plis pase yon milyon moun ki deplase akoz vyolans ame yo.
Objektif prensipal reyinyon an se te pou ranfòse kowòdinasyon ant PNH ak fòs entènasyonal la ki deja sou teren an depi plis pase yon ane. Men, selon anpil obsèvatè, prezans MMSS poko bay rezilta konkrè nan batay kont ensekirite a.
Diskisyon yo te chita sou priyorite ijan yo, tankou: reprann kontwòl sou kèk zòn estratejik, mete plis sekirite sou wout ki konekte kapital la ak lòt rejyon yo, epi ranje estrikti operasyonèl fòs yo.
Daprè sous nou, DG Paraison deja kòmanse travay sou yon nouvo plan estratejik sekirite, ki pral defini liy aksyon priyoritè pou semèn k ap vini yo. Objektif: reponn ak ijans lan, epi retabli otorite Leta nan zòn kote gang pran kontwòl.
Sa make premye aparisyon piblik Jonas Vladimir Paraison kòm Chèf PNH bò kote MMSS, yon siyal ki montre volonte pou mete plis presyon sou zafè sekirite peyi a.
Optimiste.Info
par Optmiste.info | Août 9, 2025 | Sécurité
Senmak, 8 dawou 2025. Lapolis nan vil Saint-Marc mete men sou Edouens Elan alyas Silibon, yon kouzen chèf gang Savien an, Luckson Elan, pou enplikasyon li nan yon rezo trafik minisyon ki t ap sèvi pou alimante gang kriminèl “gran grif” ki tabli nan zòn Savien, nan depatman Latibonit.
Arestitasyon an fèt nan dat mèkredi 6 dawou 2025, selon sa DDA ak Kòdinasyon Laprès ak Relasyon Piblik DGPNH konfime. Lapolis fè konnen Edouens Elan se yon manm aktif gang lan. Li ta remèt yon kantite minisyon bay yon chofè moto-taksi ki rele Wendy Edmond, dimanch 3 dawou pase a, pou mennen yo bay gang la.
Kounye a, Edouens Elan alyas Silibon nan gadavi, pandan otorite yo ap kontinye ak pwosedi legal ki nesesè pou fè limyè sou dosye a. Lapolis ap kontinye travay pou demantle rezo gang “gran grif” la ki kontinye simen laterè nan Latibonit.
Optimiste.Info
par Optmiste.info | Août 8, 2025 | Non classé, Sécurité
Aken, 7 dawou 2025. Polis Nasyonal Dayiti (PNH), an kolaborasyon ak Pakè Aken rive mete men jou ki te , mèkredi 6 dawou, nan kòlèt de (2) endividi ki ta sispèk kòm moun ki gen koneksyon ak kowalisyon ame « Viv Ansanm », ki enplike nan plizyè zak vyolans nan divès kote nan peyi a.
De moun sa yo, yo idantifye yo kòm Mangnant Max Peter, 29 lane, ak Jonathan Desravines, 18lane . Yo t ap vwayaje nan yon minibis ki t ap pran direksyon Okay lè yo te entèsepte pandan yon kontwòl woutin.
Premye analiz ki fèt sou telefòn yo te pèmèt otorite yo jwenn imaj ak enfòmasyon ki sanble montre gen lyen ant yo menm ak gwoup ame sa a, ki deja gen move repitasyon pou aktivite kriminèl ak zak dezòd li yo.
Yo mete sispèk yo an gadavi nan komisarya Okay. Yo deja disponib pou lajistis, epi ankèt la ap kontinye pou konnen ki wòl yo te jwe egzakteman epi si gen lòt konplis ki enplike.
Optimiste.Info
par Optmiste.info | Août 7, 2025 | Sécurité
Pòtoprens, 6 dawou 2025. Direktè Jeneral pwovizwa Polis Nasyonal Dayiti a (PNH), Mesye Rameau NORMIL, te remèt ofisyèlman, mèkredi 6 dawou 2025, ensiy grad Enspektè Jeneral bay Mesye Isaac Max Harry ak Rony Bazil Antoine, ki fèk monte nan ran sa a andedan enstitisyon an.
Enspektè Jeneral Isaac Max Harry se responsab sant Kòmandman, Kontwòl, Kominikasyon ak Entèlijans (C3i) PNH lan. Pandan se tan, Enspektè Jeneral Rony Bazil Antoine ap dirije Direksyon Lojistik PNH lan, yon estrikti teknik ki depann de Direksyon Santral Polis Administratif la (DCPA).
Seremoni sa a make yon lòt pa nan ranfòsman kad nan PNH la, pandan enstitisyon an kontinye fè fas ak gwo defi sekirite nan tout peyi a.
Optimiste.Info
par Optmiste.info | Août 7, 2025 | Sécurité
Pòtoprens, 7 dawou 2025. Direktè Jeneral pwovizwa Polis Nasyonal Dayiti a (PNH), Rameau NORMIL, te resevwa, mèkredi 7 dawou, Carlos Ruiz Massieu, nouvo Reprezantan Espesyal Sekretè Jeneral Nasyonzini an epi chèf BINUH, nan kad yon rankont estratejik sou kesyon sekirite nasyonal.
Rankont la, ki te fèt nan lokal DGPNH nan Clercine nan zòn Taba, rive nan yon moman kote kriz sekirite a ap vin pi grav, sitou ak ogmantasyon vyolans ame nan kapital la ak lòt zòn nan pwovens peyi a.
Nan sant diskisyon yo te mete aksan sou : lit kont bandi yo, ranfòsman koperasyon ant PNH ak Biwo Entegre Nasyonzini an ann Ayiti (BINUH), ansanm ak efò ki deja ap fèt pou estabilize peyi a, an kolaborasyon ak Misyon Miltinasyonal Sipò Sekirite (MMSS) ki deja deplwaye sou tèritwa a.
Rameau NORMIL te reafime detèminasyon PNH la pou. kontinye misyon li ki se retabli lòd piblik la, malgre gwo defi ak menas lapolis la ap fè fas chak jou.
Vizit sa a se premye vizit ofisyèl Carlos Ruiz Massieu depi li nonmen kòm chèf BINUH. Li make yon nouvo etap nan ranfòsman patenarya sekirite ant Ayiti ak Nasyonzini.
Optimiste.Info
par Optmiste.info | Août 6, 2025 | Sécurité
Port-au-Prince, 5 août 2025. Le coordonnateur du Syndicat de la Police Nationale d’Haïti (SPNH17), Garry Jean Baptiste, a lancé de lourdes accusations contre le gouvernement haïtien et le haut commandement de la PNH, lors d’une conférence de presse tenue ce mardi à Port-au-Prince. Selon lui, l’insécurité galopante dans le pays est directement entretenue par les autorités, notamment pour servir des intérêts politiques et personnels.
M. Jean Baptiste a pointé du doigt le Premier ministre Alix Didier Fils Aimé, en sa qualité de chef du Conseil Supérieur de la Police Nationale (CSPN), qu’il accuse de bloquer volontairement des opérations décisives contre les gangs armés. Il estime que le pouvoir exécutif marginalise délibérément la PNH, en privant les agents de moyens adéquats pour lutter contre le crime.
Le syndicaliste a également évoqué des détournements de fonds alloués à la sécurité publique, ainsi que des soupçons de trafic de munitions impliquant de hauts gradés de la police. Il appelle à un redéploiement des effectifs, notamment ceux affectés à la protection de personnalités et de bâtiments privés, afin de renforcer les unités opérationnelles.
En parallèle, le SPNH17 réclame des primes de risque pour les policiers engagés sur le terrain et promet un soutien accru aux familles de policiers tombés en service, à l’approche de la rentrée scolaire.
Un message fort, alors que la confiance de la population envers les institutions sécuritaires s’effrite.
Optimiste.Info
