Wachintonn 27 jiyè 2025. Tansyon ap monte ant Wachintonn ak Karakas. Vandredi 25 jiyè a, Etazini idantifye yon gwoup Venezyelyen yo sispèk ki gen lyen ak Prezidan Nicolás Maduro, kòm sipòtè yon òganizasyon kriminèl transnasyonal : gang « Tren de Aragua » soti nan Venezyela ak katèl Meksiken « Sinaloa » . Selon Wachintonn, tou de gwoup sa yo se òganizasyon teworis etranje.
Nan yon deklarasyon sou platfòm X (ansyen Twitter), Biwo Zafè Emisfè Oksidantal Depatman Deta Ameriken an deklare : » gouvènman an pral itilize tout resous ki disponib pou anpeche Maduro kontinye fè pwofi sou destriksyon lavi Ameriken ak destabilizasyon emisfè nou an.”
Deklarasyon sa a vini nan yon moman kote Etazini ap pran pi plis mezi sevè kont rejim Maduro a, yo akize l dèske l ap kolabore ak rezo kriminèl epi l ap pèmèt ekspansyon yo nan tout Amerik la. Nouvo sanksyon sa yo vize frape enterè ekonomik ak lojistik gwoup ki nonmen an, nan objektif pou redui enfliyans li ak kapasite l pou fè dega.
Gouvènman Venezyelyen an poko reyaji ofisyèlman, men desizyon sa a kapab vin fè relasyon ant de peyi yo vin pi chofe toujou.
Optimiste.info
Avec France 24