by Optmiste.info | Août 8, 2025 | Insécurité
Kenskòf,7 dawou 2025.Yon gwo konfwontasyon eklate jedi 7 dawou 2025 nan komin Kenskòf ant gang ak gwo ame lagè ak Misyon Miltinasyonal la. Daprè enfòmasyon ofisyèl, 3 polisye soti blese pandan eklatman sa a, epi 2 cha blende boule nèt, sa ki lakoz panik gaye sou tout zòn nan.
Anplis de sa enfòmasyon yo ta fè kwè gen plizyè manm gang yo ki ta blese pandan echanj kout bal yo. Popilasyon an, ki pè pou lavi li, kontinye ap viv nan laperèz, pandan otorite yo lanse apèl pou plis ranfò nan dispozitif sekirite yo nan zòn nan.
Nouvo epizòd vyolans sa a vin mete plis ensètitid sou estabilite komin nan, ki deja soufwi anba laterè gang ak feblès prezans leta.
Sitiyasyon sila a vini nan moman gen yon nouvo kòdonaté nan tét KPT ki pa sispann denonse zak kriminél gang yo ap fè sou popilasyon an.
Optimiste.Info
by Optmiste.info | Août 8, 2025 | Non classé, Sécurité
Aken, 7 dawou 2025. Polis Nasyonal Dayiti (PNH), an kolaborasyon ak Pakè Aken rive mete men jou ki te , mèkredi 6 dawou, nan kòlèt de (2) endividi ki ta sispèk kòm moun ki gen koneksyon ak kowalisyon ame « Viv Ansanm », ki enplike nan plizyè zak vyolans nan divès kote nan peyi a.
De moun sa yo, yo idantifye yo kòm Mangnant Max Peter, 29 lane, ak Jonathan Desravines, 18lane . Yo t ap vwayaje nan yon minibis ki t ap pran direksyon Okay lè yo te entèsepte pandan yon kontwòl woutin.
Premye analiz ki fèt sou telefòn yo te pèmèt otorite yo jwenn imaj ak enfòmasyon ki sanble montre gen lyen ant yo menm ak gwoup ame sa a, ki deja gen move repitasyon pou aktivite kriminèl ak zak dezòd li yo.
Yo mete sispèk yo an gadavi nan komisarya Okay. Yo deja disponib pou lajistis, epi ankèt la ap kontinye pou konnen ki wòl yo te jwe egzakteman epi si gen lòt konplis ki enplike.
Optimiste.Info
by Optmiste.info | Août 8, 2025 | Politique
Pòtoprens, 7 dawou 2025.Konsèy Prezidansyèl Tranzisyon an (KPT), ki sou direksyon nouvo kowòdonatè li, Laurent Saint-Cyr, ap fè premye Konsèy Minis li vandredi 8 dawou a 2 è nan apremidi. Reyinyon sa a make kòmansman ofisyèl manda Mesye Saint-Cyr nan tèt KPT a
Dapre yon sous nan gouvènman an, plizyè dosye enpòtan ta sou ajanda a, tankou renouvèlman eta dijans lan nan kèk zòn ki toujou sou presyon. Men, detay egzak sou dosye ki sou tab la poko disponib.
Sous la ajoute tou yon chanjman nan konpozisyon ministè a ka fèt pandan peryòd kowòdinasyon Saint-Cyr a, men li pa prevwa pou sa vin sou tab depi premye rankont lan.
Reyinyon sa a gen yon gwo siyifikasyon senbolik, pandan peyi a kontinye ap chèche estabilite nan mitan yon tranzisyon politik ki toujou frajil ki pa sispann sibi kritik nan mitan sosyete kote yo akize l kòmkwa li pa respekte pyès angajman akò 3 avril la te ba li. Okontrè sitiyasyon sekirite a peyi vin pi mal pandan plis.jou ap pase.
Optimiste.Info
by Optmiste.info | Août 7, 2025 | Sécurité
Pòtoprens, 6 dawou 2025. Direktè Jeneral pwovizwa Polis Nasyonal Dayiti a (PNH), Mesye Rameau NORMIL, te remèt ofisyèlman, mèkredi 6 dawou 2025, ensiy grad Enspektè Jeneral bay Mesye Isaac Max Harry ak Rony Bazil Antoine, ki fèk monte nan ran sa a andedan enstitisyon an.
Enspektè Jeneral Isaac Max Harry se responsab sant Kòmandman, Kontwòl, Kominikasyon ak Entèlijans (C3i) PNH lan. Pandan se tan, Enspektè Jeneral Rony Bazil Antoine ap dirije Direksyon Lojistik PNH lan, yon estrikti teknik ki depann de Direksyon Santral Polis Administratif la (DCPA).
Seremoni sa a make yon lòt pa nan ranfòsman kad nan PNH la, pandan enstitisyon an kontinye fè fas ak gwo defi sekirite nan tout peyi a.
Optimiste.Info
by Optmiste.info | Août 7, 2025 | Sécurité
Pòtoprens, 7 dawou 2025. Direktè Jeneral pwovizwa Polis Nasyonal Dayiti a (PNH), Rameau NORMIL, te resevwa, mèkredi 7 dawou, Carlos Ruiz Massieu, nouvo Reprezantan Espesyal Sekretè Jeneral Nasyonzini an epi chèf BINUH, nan kad yon rankont estratejik sou kesyon sekirite nasyonal.
Rankont la, ki te fèt nan lokal DGPNH nan Clercine nan zòn Taba, rive nan yon moman kote kriz sekirite a ap vin pi grav, sitou ak ogmantasyon vyolans ame nan kapital la ak lòt zòn nan pwovens peyi a.
Nan sant diskisyon yo te mete aksan sou : lit kont bandi yo, ranfòsman koperasyon ant PNH ak Biwo Entegre Nasyonzini an ann Ayiti (BINUH), ansanm ak efò ki deja ap fèt pou estabilize peyi a, an kolaborasyon ak Misyon Miltinasyonal Sipò Sekirite (MMSS) ki deja deplwaye sou tèritwa a.
Rameau NORMIL te reafime detèminasyon PNH la pou. kontinye misyon li ki se retabli lòd piblik la, malgre gwo defi ak menas lapolis la ap fè fas chak jou.
Vizit sa a se premye vizit ofisyèl Carlos Ruiz Massieu depi li nonmen kòm chèf BINUH. Li make yon nouvo etap nan ranfòsman patenarya sekirite ant Ayiti ak Nasyonzini.
Optimiste.Info
